Një shpërthim vullkanik në Indonezi dërgoi një re gjigante hiri më shumë se gjashtë milje lart në qiell, duke ndërprerë ose anuluar dhjetëra fluturime drejt dhe nga ishulli turistik i Balit.

Mali Lewotobi Laki Laki shpërtheu në orën 17:35 të martës, sipas orës lokale, duke lëshuar një kolonë hiri të nxehtë që arriti në lartësi prej 11 kilometrash mbi ishullin Flores në jug-qendër të Indonezisë, njoftoi Agjencia Kombëtare e Gjeologjisë.

Imazhet e shpërndara treguan një re portokalli në formë kërpudhe që mbulonte fshatin e afërt Talibura, me pamje të dukshme deri në 150 kilometra larg.

Zyrtarët lëshuan alarmin më të lartë në vend dhe paralajmëruan turistët që të shmangin zonën.

Dhjetëra fluturime u anuluan në Bali, sipas faqes zyrtare të Aeroportit Ndërkombëtar të Denpasarit, ku ndërprerjet u justifikuan “për shkak të aktivitetit vullkanik”.

Ndër fluturimet e prekura ishin ato të brendshme për në Xhakarta dhe Lombok, si dhe lidhjet me vende të ndryshme si Australi, Kinë, Indi, Malajzi, Zelandë të Re dhe Singapor./CNN